Педагогика , өнер саласы мамандарын дайындайтын оқу орындарына жергілікті бюджеттен гранттар бөліне бастады. Жалпы жергілікті бюджет қаражаты есебінен жоғары білімді мамандар және магистр, резиденттер даярлауға 80 орынға грант бар. Гранттар еңбек нарығына аса қажет болып тұрған мамандықтар бойынша арнайы комиссияның қарауынан өткен соң ғана бекітілген. 2021-2022 жаңа оқу жылына жергілікті бюджет қаражаты есебінен 80 грант бөлінген. Олар жоғарғы оқу орындарына түсетін талапкерлер мен магистратура, резидентурада білімін жалғастыратын жастарға беріледі. Мәселен, Асфендияров атындағы қазақ ұлттық медицина университеті мен Марат Оспанов атындағы Батыс Қазақстан медицина университетінің резидентурасына барлығы 29 грант бөлінген. Медицина саласы бойынша гранттар радиология және онкология, травматология-ортопедияға бөлінген.
Бакалавриаттар үшін бүгіннен бастап 18-ші тамызға дейін байқау қортындысы бойынша жергілікті бюджет қаражаты есебінен бөлінетін гранттар бекітіледі. Байқауға қатысушыларға қажетті құжаттар тізбесі алдын ала жарияланған. Мемлекеттік білім беру тапсырысы орналастырылатын жоғары оқу орындар тізбесі де алдын ала белгілі болған. Олардың қатарында биыл Жүргенов атындағы Қазақ ұлттық Өнер академиясы , "Нұр Мүбарак" Египет ислам мәдениеті университеті, Қазақ спорт және туризм Академиялары бар. Еңбек нарығына ең қажет деген мамандықтар бойынша жергілікті бюджет есебінен грантқа түсіп, кейін диплом алған студенттер кемінде бес жыл облыс аумағында өз мамандығы бойынша қызмет атқаруға міндетті.