Отан қорғаушылар күні әскери шеру өтеді
|
|  | 7-мамыр Отан қорғаушылар күні қалада әскери шеру өтпек. Салтанатты митинг пен әскери шеру Ұлы Отан соғысының 68-жылдығына да арналған. Соған сай бүгін Тұңғыш президент атындағы орталық саябақта әскери гарнизон сарбаздары дайындықтарын пысықтады. Отан қорғаушылар күні Тұңғыш президент атындағы саябақта үлкен әскери мереке өтеді. Оған қаладағы әскери гарнизондар, 400-ші артиллериялық бригадасы, №6655 ішкі әскер бөлімі мен әуе қорғанысы күштері әскери институтының сарбаздары қатысады. Митинг кезінде үлкен экраннан «Отардағы» 40-әскери базада өтетін шеру көрсетілмек. Бүгінгі жауынгерлік шеруге дайындықта сарбаздар сапта тұру, әнұран айту мен сәлемдесуді командирдің бұйрығы бойынша орындады. Әскери шеруге барлық бөлімдер қызу дайындалып жатыр. Әуе қорғанысы күштері әскери институты бастығының орынбасары Қасымбек Кенжебаев "сарбаздар міндетінде мін болмайды" деп сендіріп отыр. Қолдағы қаруды ұршықша иіру, қағылған қазықтай тіп-тік тұру әскерилер үшін күнде қайталар қарапайым қарекеттің бірі. Облыс әкімі Архимед Мұхамбетовтың құттықтауынан соң шерудегі жауынгерлер әскери оркестрдің сүйе-мелдеуімен сап түзеп өтеді. Соңында әр әскери бөлім қаруларын көрсетпек. |
«Тәулік» бағдарламасының толық нұсқасын мына сілтемеден қараңыз
Количество показов: 2475
Дата создания: 03.05.2013 18:51:31
