Волентерлер қарапайым халыққа ғана емес, полиция қызметкерлеріне де көмек көрсетті. Қатаң карантин уақытында қаладағы бір топ ерікті кезекшілік бекеттерде тұрған тәртіп сақшыларына азық-түлік тасыған. Бүгін қоғам үшін адал қызмет атқарған бір топ волонтер марапатталды. Облыстық полиция департаментінің бастығы Атығай Арыстанов оларға "Алғыс хаттар" табыстады. Бүгін облыстық полиция департаментінің бастығы Атығай Арыстанов бір топ еріктіге "Алғыс хаттар" табыстап, оларға атқарған жұмыстары үшін ризашылық білдірді. Себебі пандемия кезінде қоғамдық тәртіпті қадағалауға еріктілер де үлес қосты. Бақылау бекеттерінде кезекшілікте тұрған тәртіп сақшыларына азық- түлік тасыды. Патрульдік полиция қызметкерлеріне де қолқабыс етті. Еріктілер биыл із-түссіз жоғалып кеткен адамдарды іздеуге де атсалысқан. Ондай кездері олар қала тұрғындарынан түрлі мәліметтер жинап, полиция жұмысын жеңілдеткен. Жалпы жыл басынан бері тәртіп сақшылары мен еріктілердің бірігіп атқарған іс-шараларының нәтижесінде бірқатар заңбұзушылықтар мен қылмыстардың жолы кесілген.
Қоғамдық тәртіпті нығайту үшін волонтерлік топтар мен полиция қызметкерлері алдағы уақытта да бірігіп жұмыс атқаратын болады. Облыстық полиция департаментінің бастығы қоғамның игілігі үшін тер төгіп жүрген еріктілер өзге жастарға үлгі екенін жеткізді.