Ақтөбеде жұмыс орнында зардап шеккендер көп жағдайда мұны жасырып қалуға тырысады. Бұл жөнінде облыстық еңбек инспекциясы жөніндегі басқарма басшысы мәлім етті. Мекеме қызметкерлері бүгін өңірлік коммуникация қызметінде баспасөз мәслихатын өткізді. Өткен 9 айда өңірде 45 жазатайым оқиға тіркелген. 11 адам өндіріс орындарында қаза болып, 54 жұмысшы ауыр жарақат алған. Ақтөбе облысының еңбек инспекциясы жөніндегі басқарма басшысы Саламат Аманбаев өңірде жазатайым жағдайлардың көбейіп кеткенін айтып, дабыл қақты. Алпауыт компанияларда жарақат алған жұмысшылар көп. Жұмыс берушілердің тарапынан заңбұзушылықтар көп тіркелгенін айтқан облыстың бас мемлекеттік еңбек инспекторы жұмысшылар мен жұмыс берушілер өз құқықтары мен міндеттерін білуі тиіс,- дейді.
Өткен 9 айда өңірде 45 жазатайым оқиға тіркелген. 11 адам өндіріс орындарында қаза болып, 54 жұмысшы ауыр жарақат алған. Жұмысшылар тарапынан шағым түскен екі зауытта тексеру жүргізіліп, жауаптылар жазаға тартылған. Биылдыққа жұмысшылардан еңбек заңнамаларының бұзылуына қатысты 44 іс түскен. Қазіргі уақытта 25 оқиға бойынша қылмыстық іс қозғалды. Лауазымды тұлғалар жауапқа тартылған. Былтырдан бастап басқармада еңбек даулары медиациясы кабинеті жұмыс істейді. Сонымен бірге басқарма көптеген мекемелермен бірге азаматтардың еңбек күшін қорғау мақсатында ынтымақтастық туралы меморандумдарға қол қойған. Меморандум мақсаты еңбек дауларының алдын-алу, қоғамдағы келіспеушіліктерді азайту, туындаған дауларды сотқа дейін реттеуді көздейді.