Облыс орталығының көшелерінде қар шығару жұмыстары қарқынды.
Қытымыр қыс қаһарын төгуде. Қаламызды қалың қар басып, аяз күшейді. Көшеде адам қарасы аз. Дегенмен де , өткен аптада жауған толассыз қар қаланың сәнін құртып, әр жерде бір тау болып үйіліп тұр. Бұған кім жауапты?Қар тазалауда орталықтағы көшелер басты назарда. Мәселен, Сәңкібай батыр даңғылынан бастап 5-мөлтек ауданындағы көпірге дейінгі аралықта техника ькөп. Көшені қардан аршу жұмыстары да бұл аймақта қарқынды. Ал шаһарымыздың өзге де аудандарында қар тазалау жұмыстары қалай? Мұны білу мүмкін болмады. Қалалық тұрғын үй коммуналдық шаруашылық бөлімінің мамандары жауап берген жоқ. Халық көп қатынайтын негізгі көшелерден тыс басқа көшелердегі хал- ахуал белгісіз. Дегенмен де қала орталығындағы тұрғындар қаладағы тазалау жұмыстарына дән риза екендіктерін жеткізді. Автобус аялдамалары, көшелер көлік қозғалысына кедергі келтірмеуде. Өздері көріп жүрген бас көшелер мен тұрғын үй аудандарында тау болып жатқан қар үйінділері жоқ.Количество показов: 297
Дата создания: 17.01.2024 01:03:06
