Биыл облыста 27 білім беру нысанының құрылысы жүріп жатыр. 10 мектеп 2014-ші жылдың аяғына дейін пайдалануға беріледі. Ал қазір аудандарда 59 мектеп күрделі жөнделуде. Қала мектептерінде бұл жұмыс тамызда басталады. Биыл мектептер мен балабақшаларды күрделі жөндеуге бөлінген қаражат былтырғы шығыннан 15 пайызға артық. 59 білім беру нысанына барлығы 2 миллиард 14 миллион жаратылады. Соның ішінде кешенді жөндеу алты нысанда жүргізіліп жатыр. Ауылдардағы 17 мектептің шатыры мен терезе, есіктері жаңартылады. 36 -сында коммуналдық желілер ретке келтірілуі тиіс. Ал қала мектептерінде күрделі жөндеу тамыз айында басталады. Жөндеу "Жұмыспен қамту -2020" және моноқалаларды көркейту бағдарламалары шеңберінде жүзеге асып жатыр. Қаражат республикалық және жергілікті бюджеттен бөлінген. 3 миллиард 425 миллион теңге жаңа мектептер мен балабақша құрылысына жұмсалады. 2013-2014 оқу жылында 10 мектеп пайдалануға беріледі. Қалаға жақын Бадамша мен Құршасай елді мекендерінде әрқайсысы 150 орындық екі мектеп тұрғызылып жатыр.