Республикалық "Мектепке жол" акциясы Ақтөбеде одан әрі жалғасуда. Бүгін бір топ кәсіпкер "Астана" сауда үйінің жанында оқушылар үшін арнайы жәрмеңке өткізді. Жәрмеңкеде оқу құралдары мен киім-кешектер қолжетімді бағамен саудаланып жатыр. Шараны ұйымдастырушылардың айтуынша мұндағы сатылымға шығарылған тауар құны базар бағасынан 7-12 пайызға төмен. Сондай-ақ "Меценат" қоғамдық қоры ата-ана қамқорлығынан айрылған 10 балаға қолдау көрсетіп, олардың әрқайсысына 15 мың теңге көлеміндегі қаржыға киім-кешектер алып берген.