Ақтөбеге 1 келіден астам героин есірткісін алып келген Оңтүстік Қазақстан облысының тұрғыны ұсталды. Ұйымдасқан қылмысқа қарсы күрес басқармасының қызметкерлері оның осындағы сыбайласын да қолға түсірді. "Опель" көлігін айдап бара жатқан оны Әлия Молдағұлова даңғылы бойында тоқтатқан. Күдіктінің ақтөбелік сыбайласы да анықталды. Екеуі де қамауға алынды. Оларға қатысты ҚР ҚК 259- есірткі затын заңсыз дайындау, сақтау, тасымалдау, сату бабы бойынша қылмыстық іс қозғалды.