ranking.kz сайтында бір жылда Қазақстанда некесін қиғандар саны 15 пайызға азайды деген мәлімет жарияланды. Қалаларда некеге тұру саны бір жылда 5 пайызға, ауылдарда 38,1 пайызға қысқарды. Ақтөбе қаласында жыл басынан 3144 неке тіркелген. Үйлену тойының маусымы саналатын жаз мезгілінде 70-ақ жұп некелерін салтанатты түрде тіркеткен. Қазір қалалық АХАТ бөлімінде екі бірдей неке қидыру залы жұмыс жасап тұр. Ал некені салтанатты түрде рәсімдеу көктемнен бері тегін жүргізіледі.