Ұлыбритания, Тайландта короновирус індеті үй жануарларынан табылды деген ақпар әлі күнге дейін дәлелденген жоқ. Алайда, осы сұрақ көпшілікті толғандырады. Төрт аяқты достарымыз вирусты тасымалдай ма, әлде жоқ па деген сұраққа "Қамқор" жануарлар қайырымдылық қорының төрайымы жауап берді. Ел арасында әлемді жаулап алған індет жануардан адамға жұғады деген үрей бар. Осыған орай қазақстандықтар үйіндегі ит-мысықтарынан бас тартып, далаға қаңғыртып жіберуде, дейді республикалық БАҚ. Алайда, төрт аяқты достарымыздың жанашыры Татьяна Острецова Ақтөбеде мұндай жағдайдың жоқ екендігін айтады.
Керісінше, ақтөбеліктер бау-бақшаларында қараусыз қалып қойған жануарларына алаңдаушылық танытып отыр екен. Карантин кесірінен қала сыртындағы саяжайларына жете алмай отырғандар ол жақтағы ит-мысықтар арам өліп қалада ма, деп уайымдайды.
Дүниежүзілік денсаулық сақтау ұйымы ковид-19 жануардан адамға жұқпайтындығын хабарлайды. Алайда, сақтық ережелерін ұмытпаған жөн екендігін ескертеді.