Метапневмовирус қауіпті ме?

Қытайда пайда болған тағы бір жаңа вирус әлемді шарлап жатыр. Метапневмовирус Қазақстанды да айналып өтпеді. Эпидемиялық маусым басталғалы тұмауы асқынып, пневмонияға шалдыққандар саны күрт өсті. Денсаулық сақтау министрлігі өкілдерінің айтуынша, "Адам метапневмовирусы – көптеген елде ондаған жыл бойы таралған классикалық вирустардың бірі. Бұл вирустың штамдары Қазақстанда ЖРВИ және тұмау ауруларының маусымдық өсуі кезеңінде инфекциялардың басқа түрлерімен қатар анықталды", - деп мәлімдеген болатын. Вирустың бұл түрі жайлы қала тұрғындары хабардар. Қарапайым гигиена сақтап, халық көп шоғырланатын жерлерге бармау-кез-келген кеселдің алдын алады деген пікірде.
Метапневмовирус негізінен ауа тамшылары арқылы және кей жағдайда тұрмыстық байланыс арқылы жұғады. Кәдімгі тұмаудан еш айырмашылығы жоқ. Инфекцияның негізгі белгілері – жөтел, мұрыннан су ағу, ентігу, тырысу, бас ауруы. Нақты ем-домы жоқ, симптоматикалық ем ғана қолданылады, дейді мамандар. Сондықтан ауырмаудың жолын іздеп, дұрыс тамақтанып, салауатты өмір салтын сақтап, спортпен шұғылданып, таза ауада көп серуендеуге кеңес береді дәрігерлер.

Количество показов: 365
Дата создания: 10.01.2025 07:54:23