Білім беру нысандарында үш ай жазда құрылыс, жөндеу, күрделі жөндеу жұмыстары тоқтаған жоқ. №3 орта мектеп былтыр 40 жылдығын атап өтті. Дина Халетова "Өзім директор болып тұрған соңғы 8 жыл ішінде мектеп 3 рет күрделі жөнделді",-дейді. Жаңартылған мектептің шатыры мен спорт залдың әлі сыны кете қоймаған. Осы мектепке көрші орналасқан №24-лингвистикалық мектеп-гимназиясы 10 миллион теңгеге асханасын қайта жарақтандырып алған. Асхананың күрделі жөнделмегеніне 40 жылға таяп қалған. Бүгінде мектеп қызметін атқарып тұрған ғимарат 1973-жылы педагогикалық институт ретінде тұрғызылғанын қала тұрғындарының бірі есінде сақтаса , бірі білмейді. Асханадағы жұмыстың 99 пайызға бітті. Енді құрылғыларды орналастыру ғана қалып тұр. Асханадан бастауыш сыныптың 420 оқушысы тамақтанатын болады. Биыл мектепке барлығы 950 оқушы қабылданады. Олар оқитын 35 сынып кабинеттері жөнделіп бітті. Ертең барлық мектептерде алғашқы қоңырау соғылып, жаңа оқу жылы басталады.