Ливенцов көшесінде жөндеу жұмыстарын жүргізген жұмысшылар іздерін жинамай кеткен. Құрылыс қалдықтары сол күйі жатыр. Бұл жаяу жүргіншілерге кедергі болып тұр.
Ливенцов көшесіне асфальт төсеген мердігер компания өкілі жаяу жүргіншілер жолындағы кедергілер бүгіннен қалмай алынатынын айтты. Жөндеу аяқталғалы жұмыс орындары біртіндеп қалпына келтіріліп, құрылыс қалдықтары әкетіліп жатқанын хабарлаған учаске басшысы бұған дейін үлгере алмағандарын жеткізді. Айта кетейік, биыл қалада 97 көшені жөндеу жоспарланған. «Жұмыспен қамтудың жол картасы» бағдарламасы шеңберінде осы жылы қаланың, қала маңындағы аймақтар мен елді мекендердегі 171 шақырым жолды жөндеуге республикалық бюджеттен 13,9 миллиард теңге бөлінді.