Коронавирус індеті балалар мен жүкті әйелдер арасында көп. Дәрігерлер бақылауына 300-ден астам бала мен 120 жүкті әйел алынған. 23 баланың жағдайы орташа ауыр. Олар стационарлық ем алып жатыр. 41 жүкті әйел де ауруханада. Оның 1-еуінің жағдайы ауыр. Облыста соңғы тәулікте 387 адам коронавирус індетін жұқтырған. Оның 330-ы симптомды. Пневмония бойынша 27 жағдай тіркелді. Дертті жұқтырушылардың басым көпшілігі қала тұрғындары. Пандемия басталғалы тәжвируспен 18 мыңнан астам ақтөбелік ауырды. Ал 14 122 науқас осы дерттен жазылып шықты.
Індет балалар мен жүкті әйелдер арасында белең алды. Мәселен облыста індет жұқтырған 344 бала дәрігердердің бақылауына алынып, оның 23-і стационарлық ем қабылдауда. Олардың жағдайы орташа ауырлықта. Ал жүкті әйелдердің 120-сы бақылауда. Стационарлық ем алып жатқан 41 әйелдің 1-еуінің жағдайы ауыр. Қазіргі таңда инфекциялық ауруханаларда 1043 науқас емделіп жатыр. Соның ішінде қала бойынша 780 адам. Жансақтау бөлімдерінде 95 адам жатыр, оның 20-сы аудан тұрғындары. Жыл басынан бері Ақтөбеге вакцинаның 468 000 дозасы жеткізіліп, 1 компонетпен 230 мыңнан астам ақтөбелік егілді. Бұл жоспардың 51 пайызын қамтыған. Ал 2-ші компонентпен, яғни толық иммунизациядан 167 566 адам өтті. Бұл жоспардың 36 пайызын құрап отыр.