Қалада қоқыс контейнерлерінің маңы полигонға айналып барады. Бұл қызмет көрсетуші мекеме жұмысына кедергі жасап отыр. Қаланың сыртқы келбетіне нұқсан келтіріп, тұрғындардың наразылығын туғызуда. Контейнер маңына артық қалдықтарды тастағандардың ісімен енді полиция айналысатын болды. Қаладағы әр ауданда енді арнайы көліктер контейнер сыртында жатқан қоқыс қалдықтарын жинап әкететін болды. Бірақ, бұл тұрғындарға ескі жиҺаз, құрылыс, жөндеуден қалған материалдарды тастауға рұқсат береді дегенді білдірмейді. Қала тазалығына жауап беретін мекеме басшылары амалсыздан қатты тұрмыстық қалдықтарды жинап әкетуге мәжбүр болып отырмыз, дейді.
Тұрғындар ескі жиһаздар мен құрылыс қалдықтарын қоқыс төгетін алаңға түнгі мезгілде тасиды. Қалада бірде бір қоқыс алаңында бейнекамера орнатылмаған. Сондықтан рұқсат етілмеген қоқысты тастаған адамды анықтау мүмкін емес. Енді контейнер сыртына қоқыс төтегіндерді біреулер фотоға немесе камераға түсіріп алса, олардың ісімен полиция айналысатын болды. Бір рет ұсталған адамға 40 айлық есептік көрсеткіш көлемінде айыппұл салынады. Ауладағы қоқыс алаңында контейнер сыртында жиҺаз, басқа да көлемді қатты тұрмыстық қалдықтар жататын болса, 109 нөміріне тегін қоңырау шалуға болады.