Жаңа оқу жылынан бастап кәсіптік лицейлердің атауы колледж болып өзгертілмек. Бұл жаңашылдықтың тиімді тұстары қандай? Енді қаладағы 15 колледж кез - келген талапкерді қабылдай бермейді. Білікті мамандарды даярлау үшін тегін орындармен қатар ақылы білім беретін топтар ашылады. Өз біліміне сенімді жастар ғана колледж табалдырығын аттайтын болады. Колледж тәмамдаған түлектерді жұмыссыз қалдырмас үшін ірі кәсіпорындармен алдын - ала келісім жасалады. Облыстық білім басқармасының бас маманы Қонысбай Жонысовтың айтуынша, осы мақсатта арнайы үйлестіру кеңесі ұйымдастырылып, кәсіпорын өкілдері шақырылады. Биыл қалада 15 колледж білім беру құқына ие. Ал оқу ақысы жылына 100 мың теңгеден асады.