Шаһардағы "Азаматтарға арналған үкімет" мемлекеттік корпорациясы бөлімшелері қысқартылған жұмыс уақытына көшті. Ауызекі тілде халыққа қызмет көрсету орталығы аталып кеткен мекемелер тұрғындарға елдегі төтенше жағдай режимі аяқталғанша таңғы сағат 9-дан кешкі беске дейін ғана қызмет көрсетеді. Ескерте кететін жәйтбетперде болмаса нысанның ішіне енуге рұқсат жоқ.
Адам қарасы бір сәтке болса да үзілмейтін мекемеде бүгіннен бастап қатаң тәртіп орнаған. Күзетші бетпердең болмаса есіктен әрі қарай аттап бастырмайды. Бетпердесі барларға қолына зарарсыздандыратын сұйықтық шашып береді. Мұндай тәртіп "Азаматтарға арналған үкімет" мемлекеттік корпорациясы қалалық, аудандық бөлімшелерінің барлығында бірдей орнаған.
Мекеме енді сәуір айының 16-на дейін таңғы 9-дан кешкі беске дейін ғана жұмыс істейді. Барлық құжаттарды қаласаңыз ұялы телефондағы қосымшалардан электронды түрде алуға болады. Дәл осы қосымшалардағы арнайы сілтемелерде жеке код нөміріңіз де беріледі. Бұл код электронды цифрлық кілттің орнын ауыстыра алады. Құжаттар туралы толық мәліметтер "Егов" сайтына енгізілген. Сайтта көрсетілген нөмірлер арқылы қызметкерлер әрбір хабарласушыға шектеулі уақыт аралығында кеңес беріп үлгереді. "Телеграмбот" қосымшасы арқылы халыққа күнделікті қажетті 27 қызмет ешқандай кедергісіз көрсетіліп жатыр.