Роктан Шансонға дейін! Ақтөбеліктердің назарына бұрын соңды болмаған жаңа музыкалық бағдарлама әзірленіп жатыр. Камералық оркестрдің концерті Өнер орталығында үш күн бойы өтеді. Қазір әртістер қызу дайындық үстінде. Облыстық филармонияның камералық оркестр ұжымы үшін қазір нағыз қарбалас. Жаңа репертуар, жаңаша стиль, ең бастысы көптен көрмеген көрерменмен қайта қауышу. Жақында, нақтырақ айтқанда 2-4- желтоқсан аралығында Өнер орталығында камералық оркестрдің концерті өтеді. Концерт әр күн кешкі сағат жетіде басталады. Камералық оркестрдің көркемдік жетекшісі Әли Ермекбаев. Оның жетекшілігімен соңғы кездері оркестр репертуары әртүрлі шетелдік шығармалармен толыққан. Әлемге әйгілі "Кино", "Звери", "Би-2" топтары орындаған шығармаларды камералық оркестр әртістері аса шеберлікпен орындайды.
Оркестр орындаушылары аспаптардың сүйемелдеуіндегі жанды дауыс әр көрерменнің көңілінен шығатынына сенімді. Камералық оркестрдің концерттік бағдарламасына Дина Ниязова, Аида Уразова, Берік Күздіғарин сияқты өнер тарландары қатысады.