Кітапханалық серпіліс

Қазіргі заманда кітапхана оқырманға кітап ұстатып, кітап қабылдап қана отыратын орын емес. Бағыты да, мақсаты да өзгерген. Оқырман ақпарат алатын, бірлесе жұмыс жасайтын, ойын, білім, ғаламторды қамтитын орын. Технологияның қарыштап дамып, интернеттің дәурені болып тұрған кезеңде кітапханаға барушылар қатары сиреп барады. Бұл-ақиқат. Әсіресе, балалар мен жастардың көкрем әдебиет оқуға деген қызығушылығы төмен. Мұны педагтар да, психологтар мен ата-ана да жоққа шығармайды. Сондықтан кітапхана қызметіне өзгеріс керек. Бүгінгі шараның мақсаты да осы. Кітапханалардың болашақтағы даму стратегиясын анықтау.
Кітапханалық қызметтің жаңаша даму бағыттары, жастардың кітапханаға қызығушылығын арттыру- алға қойылған бағыт. Кітап оқуға құмар жастар да жоқ емес. Сирек болса да, апта сайын келетін оқырмандарымыз бар, дейді кітапханашылар. Мәселен, тек С.Бәйішев атындағы облыстық кітапханада тұрақты 29 мың оқырман бар. Олар айына 1 500 ға дейін кітап алып тұрады екен.Бүгінгі шараға 12 аудан, 5 облыстан және қаладан келген кітапхана басшылары қатысты. Кітапхана саласының мамандары 2025 жылға арналған міндеттерді айқындап, бұл жұмыстардың бұдан әрі даму бағытын нақтылады.

Количество показов: 14
Дата создания: 05.04.2025 08:55:15