Аймақтағы мектептер 100 пайыз интернетпен қамтылған

Дегенмен, ғаламтор жылдамдығы нашар білім ошақтары да жоқ емес. Алда бұл олқылық жойылады дейді облыстық білім басқармасының басшысы Бұлбұл Күзембаева. Өңірдегі 250-ге жуық мектеп жылдамдығы секундына 100 Мегабит және одан жоғары, ал 184 мектеп интернетті секундына 50-80 Мбит жылдамдықпен пайдаланады. Ал, тағы 63 білім ошағында интернет жылдамдығы секундына 50 мегабиттен төмен. Білім басқармасының мамандары қазір цифрлық технологиялар басқармасыменбірге жұмыс жасауда. Болашақта интернет сапасы жақсарады.
Аймақтың бас педагогі цифрлық технологияларды енгізу - тек техникалық жарақтандыру ғана емес, педагогтерді оқытып, қолданыстағы платформаларды пысықтап, олардың үздіксіз жұмыс істеуін қамтамасыз ету дейді. Жүйелі жұмыс қажет. Қазір мектептер заманауи жабдықтармен жарықтандырылып жатыр. 80-ге жуық мектеп жаңа пәндік кабинеттермен, 62-і интерактивті панельдермен жарақтандырылады. Ал, оқушылардың қауіпсіздігін арттыру мақсатында «Alaqan mektep» жүйесі кеңейтіліп жатыр. «Dara Bala» автоматтандырылған порталы 150 мыңнан астам ата-ананы қамтиды. Негізгі білім беру процестерін біріктіреді, оның ішінде балабақшаларға жазылу, қосымша білім алуды таңдау, баланың психологиялық жағдайын бақылау және FaceID арқылы сабаққа қатысуды есепке алады. Облыс әкімі Асхат Шахаровтың сөзінше, "цифрландыру - бұл жай ғана тренд емес, білім беру сапасын арттыру және ресурстарды тиімді басқару қажеттілігі. Білім беру жүйесіндегі барлық процестің ашықтығын, ыңғайлылығын және қауіпсіздігін қамтамасыз ету маңызды".

Количество показов: 16
Дата создания: 05.04.2025 08:53:22