Өткен айда облыста баға тағы көтерілді. Қымбаттаған азық-түлік қатарында қарақұмық, жұмыртқа, қияр, қызанақ, қызылша бар. Сондай-ақ, басқа тауарлар мен ақылы қызмет бағасы да өскен.
Баға, қайда барасың?! Жаңа жылдан кейін азық-түлік бағасы тағы көтерілді. Тұрғындардың пікірінше, жалақы көтерілсе, іле-шала азық-түлік бағасы да шарықтап кетеді. Мамандардың есебі бойынша, өткен айда барлық тауарлар мен қызметтер 0,5 пайызға, ал азық-түлік, 1,1 пайызға өскен. Сондай-ақ, ақылы қызметтер де 0,1 пайызға көтерілген. Бағасы төмендеген азық-түліктер де бар. Мәселен, тұздалған балық 2,1%, күріш 0,8%, ал қанттың құны 0,4 пайызға түскен. Айта кетейік, бір жылда күнделікті тұтынып жүрген азық-түлік бағасы 10 пайызға, ал алты жылда шамамен 50 пайызға көтерілген.