"Дені сау дәрігер-дені сау пациент"

"Дені сау дәрігер-дені сау халық". Ақтөбеде жедел жәрдем қызметкерлері арасында спартакиада өтті. Жарысқа 8 команда, яғни Гиппократ алдында ант берген 80 ге жуық адам қатысты. Олар спорттың бірнеше түрінен сынға түсті. Қатысушыларды ортақ іс - медицина біріктіреді. 103 нөмірінің телефоны бір сәт дамыл көрмейді. Күндіз де, түнде де ақ халаттылар адам өміріне араша болуға асығады. 24/7 қызметте жүрген жедел жәрдем қызметінің ұйқысы да қанық емес,-дейді кәсіподақ төрағасы. Бүгін олар үйреншікті ақ халаттарын жаттығу киіміне, ал жедел жәрдем каретасын бір сәтке спорт алаңына алмастырды. Осылайша, салауатты өмір салтын насихаттау мақсатында жарыс додасына түсті. Бас дәрігер кубогына таласты. Облыстық жедел жәрдем стансасында барлығы 850 қызметкер бар. 60 дәрігер мен 500 ден астам фельдшер қызмет етеді. Жедел жәрдем көлігін айдайтын 200 жүргізуші бар. 52 бригада облыс тұрғындарына тәулік бойы дамылсыз қызмет етуге тырысып жүр. Бүгінгі жарысқа 8 команда ғана қатысып жатыр. Өйткені, бұл қызмет үшін уақыт қат. "Қамқор" кәсіподағы ұйымдастырған шара алдағы уақытта дәстүрге айналмақ. Жеңімпаздарға ақшалай сыйлықтар, драма, кино театрларға билеттер мен су спорт кешенінен абонемент берілді. Күн-түн демей жұмыс істейтін станса тәулігіне шамамен 1500-2000 шақырту қабылдайды. Ал мейрам күндері дәрігерлердің жұмысы көбейеді. Мәселен, қазіргі тұмау індеті өршіген кезде күніне 2000 нан аса қоңырау түсуде. Ондай сәттерде қызметкерлердің жөндеп тамақтануға да уақыты болмайды. Заң бойынша, «Жедел жәрдем» қызметкерлері күндіз-түні тынымсыз жұмыс істеуі тиіс. Бұйрықта ұйықтауға да рұқсат қарастырылмаған. Ауыр қызмет арқалағандар үшін бір ауыз алғыс естудің өзі бақыт, дейді жедел жәрдем қызметкерлері.
Количество показов: 406
Дата создания: 24.12.2024 18:23:29