Бесқонақ басталды
Бесқонақ жылдағысынан айнымады. Қыс киімдерінен арылып, жеңіл жүруге көшкен тұрғындарды табиғат мінезі алдап соқты. Кеше ғана күн жарқырап тұрып, кеш қарая жауын - шашын басталды. Ал бүгін таңнан ауа температурасы +6 градус шамасын көрсетіп, қар аралас жаңбыр жауды. Сәуірдің алғашқы екі он күндігі бес қонақтың енетін уақыты. Демек, кенеттен болған ауа - райының құбылысы осы ырымға сай болуы керек. Жергілікті синоптиктер салқын күндер осы аптаның соңына дейін жалғасады деп болжайды. Бесқонақ сәуірдің сегізіне кіріп, он сегізіне шығады. Бес алты күн әрі-бері ауытқуы да әбден мүмкін. Ауа - райын бағып отыратын ырымшыл ата - бабамыз бесқонақ адамдарға жайсыз болғанымен, егіннің бітік шығуына септігі мол екендігіне сенген. Бесқонақта ырымға берік жандар жеңіл-желпі киініп алыс сапарға, жолға шықпауға тырысады. Малды тым ұзатып, өріске жаймайтын болған. Бесқонақта бес күн бойы бес түрлі ауа райы болжанатын болған. Сондықтан үлкендер мен синоптик мамандардың ескертуіне құлақ түрген абзал.
«Тәулік» бағдарламасының толық нұсқасын мына сілтемеден қараңыз
Количество показов: 3371
Дата создания: 15.04.2013 18:56:46
дана
|
|
waw
|
