Шаһардағы арықтардың шақырымы артады. Алдағы үш айда қалада қосымша 3 шақырымға арықтар салынады. Мемлекеттік байқауды ұтып алған "Қаз электро Қазақстан" ЖШС-гі 100 млн теңгеге құрылыс жұмыстарын жүргізіп жатыр. Мердігер мекеменің жұмысшылары Әлия Молдағұлова даңғылында қазу жұмыстарын жүргізуде. Қосымша суағарлар Сәңкібай батыр, Әбілқайыр хан даңғылдарында пайда болады.
Қалалық төтенше жағдайлар бөлімінен нақтыланғандай, мұндай жұмыстар енді жылда жүргізілмек. Су көп жиналатын 43 орын белгіленген. Сәңкібай батыр даңғылында биыл қосымша 400 метрге суағар қазылады. Қала бойынша 50 шақырым жерде арықтар бар. Оның 20 шақырымының беті ашық, қалғаны жартылай жабық суағарлар.