Оқу жылы басталысымен төменгі сынып оқушыларын ыстық тамақпен қамту басталып та кетті. Биыл облыс бойынша 441 мектептің 1-4 сынып оқушылары ыстық тамақпен қамтылған. Ол үшін облыстық бюджеттен әр балаға бір күнге - 140 теңгеден бөлінеді. Біздің облыс төменгі сыныптағыларды ыстық тағаммен қамтуды 89 пайызға жеткізген. Облыстық білім басқармасынының бөлім бастығы Галина Еремееваның айтуынша, жыл сайын бұл көрсеткіш артып келеді. Биыл тағам мәзіріне аса өзгеріс ене қойған жоқ. Әдеттегідей, калориясы аз тәттілер мен көкөніс, ыстық ас, шырындар, салат, ботқа. Оқушылар сүйіп жейтін жеміс- жидектер мен кампот та қарастырылыпты. Жалпы ыстық тамақпен қамту үшін биыл 1 млрд. 233 млн теңге қаражат бөлініпті. Биыл да оқушылар үзілісте әлденіп алып, сабақтарын жалғастыратын болады.