Әскери міндеттілердің іске кіріскеніне бүгінгі төртінші тәулік. Қаланы залалсыздандыру жұмыстарына тартылған взводтар өткен жұмадан бері қалалық сүт зауыты, Әуеқалашығы ауданы, 41-ші бекет, Мәскеу ауданы, көне қалада басқарусыз үйлерді дезинфекциялап шыққан. Бүгін осындай жұмысты Қонаев көшесіндегі көп қатарлы тұрғын үйдің подъездерінде, балалар ойын алаңында жүргізді. Көп қатарлы тұрғын үйлерді дезинфекциялау пәтер иелері кооперативтері, үй басқарушысы, кондаминиумдардың міндеті екені белгілі. Алайда қалада ешбір коммуналдық мекеменің баллансына алынбаған, яғни басқарусыз үйлер бар. Мына әскери еріктілерге сондай үйлерді залалсыздандыру тапсырылған. Дезинфекциялау жұмысы бүгін түстен кейін Қонаев көшесіндегі №1-ші үйдің үш пен төртінші ғимаратында жүргізілді. Әскери міндеттілер арнайы сұйықтықты подъездерге, балаларын ойын алаңына шашып шықты.
Тілекжан Жақсыбай №10-шы мектептің АӘД пәні мұғалімі. Қашықтан оқыту басталғалы бос уақыты көп азамат оны оңды іске жұмсауды жөн көрген. Отан алдындағы борышын осыдан 10 жыл бұрын Ақтау қаласында өтеген Тілекжан радиохимиялық-биологиялық қорғаныс взводына алынған. Қалада қазір әскери міндеттілерден осындай екі взвод жасақталып отыр. Бірінде 11, екіншісінде 12 адам бар.Тұрғындар қалада қауіпті індеттің алдын алуға бағытталған іс-шараның барлығын түсіністікпен қабылдап жатыр. Ал басқарусыз үй тұрғындары назардан тыс қалмағандарына риза. Әскери міндеттілерден құралған радиохиимиялық-биологиялық қорғаныс взводтары бұған дейін қалалық сүт зауыты, Әуе қалашығы, Мәскеу аудандары, 41-ші бекет және көне қаладағы көп қатарлы тұрғын үйлерді, аулаларын дезинфекциялаған. Олар күн сайын жұмысқа таңғы алты жарымда кірісіп, кешкі алтыда аяқтайды.