Қаладағы банк бөлімшелерінің жұмысы тоқтаған жоқ. Бірақ, карантинге орай қызмет көрсету онлайн жүйеге ауыстырылды. Үйден шықпай-ақ, несие өтеп, есепшот аштыруға мүмкіндік бар. Әлеуметтік төлем алу үшін де кезекке тұрып, уақыт жоғалтудың қажеті жоқ. Бар болғаны 7111 қысқа номеріне ЖСН сандарын жіберіп, есепшот номерін 1 минутта алуға болады.Қаладағы банк бөлімшелерінің жұмысы тоқтаған жоқ. Бірақ, карантиннің алғашқы күнінен бастап тұрғындар мен қызметкерлердің денсаулығы үшін қызмет көрсетуде бірқатар өзгеріс енгізілді. Мәселен, банкте көрсетілетін қызмет түрлері онлайн жүйеге ауыстырылды. Үйден шықпай-ақ несиеңізді өтеп, есепшот аштыруыңызға мүмкіндігіңіз бар. Қазір банк табалдырығын төтенше жағдай кезінде жұмысынан айырылғандар тоздырып жүр. Барлығы да әлеуметтік жәрдемақыдан үмітті.
Банк қызметкерлерінің айтуынша 7111 номеріне ЖСН сандарын жіберіп, IBAN шот номерін 1 минутта алуға болады. Бірақ тұрғындар онлайн қызметтен көрі, кезек күтуді жөн санайтын секілді. Коронавирус салдарынан әр отбасында қаржылық дағдарыс орнады. Сол себепті банктер несие өтеу мерзімдерін 3 айға дейін кейінге шегеріп жатыр. Өсімақы қосылмайды, айыппұл салынбайды. Борышкерлер несие өтеуді төтенше жағдай аяқталғаннан кейін жалғастыра алады. Өтініш қалдыру үшін банкке келудің қажеті жоқ. Ұялы телефон арқылы несиеңіз бар банктің онлайн парақшасына өтініш жасасаңыз жеткілікті. Ескеретін жағдай, індеттің ірі ошағына айналған елдерде адамдар вирусты түрлі мекемелер, дүкендер алдында кезек күту кезінде жұқтырған. Сол себепті, бір жерде топтаспай, уақытша үйде оқшауланған абзал.