Бағбандар мәселесі шешілді. Қала тұрғындарына саяжайларына бара беруіне болады. Бірақ, жеке көлікпен қатынайтындары міндетті түрде рұқсат қағаздарын алуы шарт. Ондай анықтамалар бүгін мектептерде беріле бастады. Қабылдау 29-шы сәуірге дейін жүргізіледі. Көктемнің бір күні, жылға азық. Сарыуайымға салынған саяжай иелері таңнан бері рұқсат қағазын алу үшін ширатта тұр. Бүгіннен бастап бағбандарға қаланың 30 мектебінде саяжайларына қатынауға рұқсат қағазы беріле бастады. Ақтөбелік саяжай иелерін қабылдау күні бойы үзіліссіз жүреді.
Анықтама саяжайларына жеке көліктерімен қатынайтын тұрғындарға ғана қажет. Бір көлікке 3 адамға дейін мінуге рұқсат етілген. Кішкентай бала болатын болса, оны да анықтамаға сол үшеудің ішіне енгізу керек. Ал қоғамдық көлікпен жүретіндерден және жаяулардан рұқсат қағаздары талап етілмейді. Бүгінге дейін қала тұрғындарына саяжайларға баруға тиым салынып келді. Ал саяжайда тұратындар карантин салдарынан қалаға шыға алмай отырған еді. Мәселе шешілді. Бау-бақшаларында жұмысқа кірісіп кетуге асығып жатқан тұрғындар рұқсат қағазы үшін кезек күткендеріне наразы. Ескеретін жағдай, рұқсат қағазы бау-бақша ұжымдарының тұрғындарына берілмейді.