Бүгін “Автопарк” серіктестігінің базасы тағы 11 жаңа көлікпен толықты

Қала тұрғындары қоғамдық көліктердің жүрісіне көңілдері толмайтындығын жеткізуде. Әсіресе, қала сыртына қатынайтын авттобустарға қатысты халықтың айтар уәжі көп. Облыс орталығында автобус паркін жаңарту жұмыстары қарқын алды. Бүгін Yutong маркалы 11 қоғамдық көлікпен толықты. Су жаңа автобустар №42 ші бағыт бойынша қатынамақ. Айта кетейік, су жаңа автобустар Қазақстандық "Қазтехно" зауытынан шығады.Жол азабын тартып отырғандардың бірі Жарық елді мекенінің тұрғындары. 41 ші разъезге қатынайтын №14 ші автобустың көрер жері жоқ. Қыста іші ұлып тұрады. Біреуі сынып қалса жолаушылар бірнеше сағатқа дейін күтуге мәжбүр. Алдағы уақытта мәселе шешімін табуы тиіс. Қалаға тағы су жаңа 14 автобус жеткізілмек. Бұлар №14 ші бағыт бойынша қатынайтын болады. Ақтөбеде жолаушылар тасымалын 46 бағыт бойынша 5 кәсіпорын жүзеге асырады. ресми мәліметтерге сүйенсек, күн сайын 300-ден астам автобус тұрғындарға қызмет көрсетіп жүр. Ал жаңадан келген автобустардың сыйымдылығы 85 адамға шақталған. Мүмкіндігі шектеулі азаматтарға мінуге ыңғайлы. Арнайы құрылғымен жабдықталған. Ішінде бейнебақылау камерасы бар. Әр аялдаманың атын жариялап тұрады.
Биыл Ақтөбеде 79 жаңа автобус қолданысқа берілді. Келесі жылға да тасымалдаушы компанияларға автобус парктерін жаңартуды жалғастыру талабын қойып отырмыз, дейді, шаһар басшысы. Айта кетейік, биыл 1- сәуірден бастап қаламыздың қоғамдық көліктерінде зейнеткерлер мен мүгедегі бар адамдарға жүру тегін.

Количество показов: 439
Дата создания: 27.12.2024 07:10:15