Бүгін қалада тұрғын үй кезегінде тұрған 34 отбасы баспаналы болды
14 жыл баспана кезегінде тұрған Сейітжанның қуанышында шек жоқ. Алғаш рет баспана кезегіне тіркелгенде ол 17 жасар бала еді. Асыраушысынан айырылған бала бүгінде отбасылы болып, бірнеше жыл пәтер жалдап жүріпті. Алдымен әскери салада, кейіннен ішкі істер қызметінде жұмыс істеген Сейітжанға да екі бөлмелі пәтердің кілті табысталды. Пәтер жылы , едені төселіп, есігі салынған дайын күйінде берілді. Матросов көшесіндегі жаңадан бой көтерген көп қабатты тұрғын үйден 34 пәтер бүгін үй кезегінде тұрғындарға берілді. Пәтерлер жетім бала, мүгедек жан және көп балалы отбасы санаты бойынша кезекте тұрған отбасыларға берілді. Қаланың өзінде тұрғын үй кезегінде бірнеше жылдан бері тіркелгендер саны 28 мың адамнан асып кеткен. Пәтерлер 6 санат бойынша кезек күткендерге беріліп жатыр. Қала әкімдігі мәселені шешу үшін құрылысы жүріп жатқан көпқабатты үйлерден 553 пәтер сатып алған. Оның жалпы аумағы 33 623 шаршы метр.Количество показов: 383
Дата создания: 31.12.2024 07:04:02
