2 тоннадан астам ет, 500 келі сүт өнімдері. Бұл Мәртөк пен ырғыздықтардың қала тұрғындарына арнап әкелген азығы. Өткен сенбіде "Табыс" коммуналдық базарында ауыл шаруашылығы жәрмеңкесі өтті. Азық-түлік нарық бағасынан 10-15 пайызға арзанына сатылды.
Өткен сенбіде ауыл дәмін татқысы келген халық "Табыс" коммуналдық базарынан табылды. Әсіресе ақтөбеліктер мұнда жаңа сойылған мал етін молынан сатып алды. Ұйымдастырушылардың айтуынша, жәрмеңкеге жеткізілген ауылшаруашылық өнімдерінің сапасы қатаң қадағаланған. Әсіресе ет өнімдері арнайы сараптамадан өткен. Алайда құжаты жоқ саудагерлер де табылды. Дүкен сөрелерінде келісі 150-200 теңгеден тұрған пияз жәрмеңкеде 70 теңгеден сатылды. Картоптың келісі 85-120 теңге, сәбіз 125 теңге. Жұмыртқаның бірінші санатының 1 данасы - 34 теңге болса, ал 2-ші санаты 31 теңгеге саудаланды. Сондай-ақ, келесі сенбіде ауыл шаруашылығы жәрмеңкесі "Табыс" коммуналдық базары мен "Рамазан" комбинатында өтетін болады. Оған 12 ауданның шаруалары қатысады.