Ауыл азаматтары үшін диагностика мен емдеу шаралары әлі толық қолжетімді емес

Ауыл медицинасының жағдай мүшкіл екені жасырын емес. Маман тапшылығы, узи, томография аппараттарының тапшылығы мен санавиация мәселесі шешімін таппай келе жатыр. Оған ғаламтор мен БАҚ беттеріндегі тұрғындардың шағымы дәлел. Осы мәселені шешу мақсатында Ақтөбеде "Ауылда денсаулық сақтауды жаңғырту" ұлттық жобасы қолға алынды. Жоба аясында селолық округтерде амбулаториялық пунктер ашылды. Ресми мәліметтерге жүгінсек, облыста 40 аурухана, 439 амбулаториялық-емханалық ұйым бар. "Ауылдық денсаулық сақтауды жаңғырту" ұлттық жобасы аясында 2023-2025 жылдарға өңірде 24 денсаулық сақтау нысандарының құрылысы жоспарланып отыр. Былтыр осы мақсатта қазынадан 4,2 млрд. теңге бөлінген болатын. Бұл қаржыға 21 нысанның құрылысын бастадық, дейді жауаптылар.Қазір 21 медициналық нысанның оны дайын. Қалғандарының құрылыс-монтаж жұмыстары жүріп жатыр. Ауылдық елді-мекендерге медицина пунктерін салуда және құралдар алуда бюджеттен қаражат бөлініп жатыр. Мысалы өткен жылы 1,2 млрд. теңгеге 14 денсаулық сақтау объектісінде күрделі жөндеу жүргізілді. Сонымен қатар медициналық орталықтарды техникамен жарақтандыруға 4,5 млрд. теңге бөлініп, 123 бірлік жабдық сатып алынды.
Количество показов: 361
Дата создания: 11.01.2025 12:03:29