ҚР ұлттық ұланының 6655 әскери бөлімінің қызметкерлері бүгін соғыс және тыл ардагерлерінің үйінің алдында парад өткізді. Ауласында оркестрдің орындауында әскери әуенді тыңдаған Карп Иванұлы көзіне жас алды. Қуанышын жасыра алмаған ардагер жас әріптестерінің бұл құрметіне дән риза. Бүгін сарбаздар жас кезімді, алғашқы әскерге шақырылған сәтті есіме түсірді дейді қария.
18 жасында екінші украин майданында ерлермен иық тіресе шепте тұрған бойжеткеннің бірі Вера Лоткова. Ефрейтор Павлова 15 мамырда 96 жасқа келеді. Жеңіске биыл 75 жыл. Өкінішке орай, бұл жолы мерекені қажетті деңгейде өткізуге мүмкіндік жоқ. Алайда, төтенше жағдайға қарамастан сарбаздар майдангерлерге шексіз ризашылығын ерекше етіп білдіруді жөн көрді. Облыс бойынша 20-ға жуық соғыс ардагері қалған.