Ақжар-2 ауылында жаңа мектеп ашылды
 | Бүгін Ақжар-2 ауылында қала әкімі Ерхан Омаровтың қатысуымен жаңа білім ошағы іске қосылды. Жаңа заманауи үлгіде салынған 150 орындық мектепте қазір 400-ден астам оқушы білім алуда. Оқу ордасы толықтай ауыз су, жарық және жылумен қамтылған. Нысан құрылысы осыдан 6 ай бұрын басталған болатын. Оған облыс қазынасынан 230 млн. теңгеден астам қаржы жұмсалды. Ал мектепті "Тілектес құрылыс" ЖШС салған. 2006-жылы іргесі қаланған Ақжар-2 ауылында қазір 5 мың адам бар. Аталмыш елді мекеннің балалары осыған дейін Құрмыш ауданындағы №14 орта мектепке арнайы автобустармен қатынап оқыған болатын. Мектепте қазір 40-тан астам ұстаз білім беруде. Мұғалімдердің барлығы да жергілікті Ақжар-2 ауылының тұрғындары. Осыған дейін қала орталығына қатынап оқитын ақжарлық оқушылар енді жол азабынан құтылғандарына мәз болса, ал ауыл мұғалімдері жақын жерден екі қолға бір күрек табылғанына дән риза. Ақжар-2 ауылында бой көтерген бұл қазақ мектебінде оқушылардың жан-жақты білім алуына барлық жағдай бар. Оқу бөлмелері оқу үрдісіне қажетті заманауи құрал-жабдықтармен жабдықталған. Сондай-ақ мектеп аумағында оқу-тәжірибе, спорт, дене тәрбиесі, демалыс алаңдары орналасқан. Үстіміздегі жылдың аяғына дейін қаламызда тағы да 3 мектеп іске қосылмақ. Оның бірі Заречный елді мекенінде бой көтерсе, ал қалған екеуі Оңтүстік-Батыс, Гүлдер аудандарында ашылады. Сондай-ақ жақын күндері Жаңақоныс ауылындағы жаңа балабақша да жұмысын бастайтын болады. |
Количество показов: 2564
Дата создания: 16.11.2012 18:29:58
45 орта мектеп
|
|
Это про нашу школу показывают!!!
|
