Ақтөбеліктер балабақша ақысының көтерілгеніне наразы

Бүгін "Бәйтерек" мектепке дейінгі ұйымының алдына бірнеше ата-ана жиналды. Оған негіз болып отырған балабақшаға төленетін ай сайынғы төлемнің қымбаттауы. Бастапқыда бұл сома 800 теңгеге көтерілген, артынша 1- наурыздан бастап 980 теңгеге көтереміз, деп ата-аналарға ескерту жасапты.Мұны ата-аналар негізсіз, дейді. Мектепке дейінгі бұл ұйым мемлекеттік арнайы тапсырыспен жұмыс істейді.
"Бәйтерек" жеке балабақша. Мемлекетен тапсырыс алып отыр. Қазір мектепке дейінгі ұйымда 272 бала тәрбиеленіп жатыр. Желтоқсан айында қалалық білім бөлімі қаладағы балабақшаларға тапсырыс беріпті. Яғни, ата-аналардан рұқсат қолхатын жинап берсеңдер бағаны 980 теңгеге қымбаттатуға рұқсат етіледі, депті. Іс соңына жеткенде баға сол күйі 800 теңге болып қалды, дейді балабақша директоры.
Бағаның өсуінің себебі бар, дейді жеке кәсіпкер. Енді бүлдіршіндер логопед, ағылшын, би сынды үйірмелерге қатыса алады. Ал ата-аналар ақының өсуіне үзілді-кесілді қарсы. Қалтамызға қосымша салмақ керек емес, деп отыр.
Бұған балабақша ұйымының берер өз жауабы бар. Қымбатшылық заманда менде төмен баға қоя алмаймын, бұл орайда әр ата-ананың таңдауы бар, деп үн қатты.
Балабақша басшылығы төлемақыны бөбекжайдың қажеттіліктері үшін көтергенін түсндірді. Себебі бұрынғы баға бүлдіршіндердің тамағынан артылмайды екен. Ата-аналар наурыз айынан бастап күніне 980 теңге төлеуі тис.

Количество показов: 140
Дата создания: 26.02.2025 08:11:59