Ақтөбеде үздік металлургтер марапатталды
Бүгін Ақтөбе ферроқорытпа зауытының 6 жұмысшысы ҚР Президентінің арнайы марапатына ие болды. Зауыт жұмысшыларын марапаттау шарасы өткен Металлургтер күніне орай ұйымдастырылып отыр. Рустам Тасмұханов зауытқа 36 жыл бұрын, әскерден келе сала орналасқан. Қазір балқыту цехында шебер болып жұмыс істейді. Отбасылы, үш баланың әкесі. Саналы ғұмырын метал өндіру саласына арнаған ол өз мамандығының қыр-сырымен бөлісті. Аса ұқыптылық пен жауапкершілікті талап ететін жұмыста қатеге орын жоқ.Еңбек жолында көптеген шәкірттерім болды. Қазір "Ұстаздан шәкірт озар" демекші, зауытта басқарушы орындарда жүрген шәкірттерім жетерлік дейді шебер.Бүгін зауыттың 6 қызметкерінің еңбегі еленіп, Мемлекет басшысының наградаларымен салтанатты түрде марапатталды. Облыс әкімі 1 қызметкерге- "Еңбек даңқы" орденін, тағы екі адамға "Құрмет" ордендерін берсе, тағы бір жұмысшы "Ерен еңбегі үшін" төсбелгісін тақты.
Количество показов: 296
Дата создания: 24.07.2024 05:50:44
