Ақтөбеде "Талант-тур" жобасының алғашқы аусымы өз мәресіне жетті.
Үш күндік жазғы демалыстарын қызықты өткізген балалардың көңілінде қаяу жоқ. Бет-жүздері балбұл жайнап тұр. Кешегі тасқында үйсіз қалған балғындар уайымдарын бір сәтке болса да ұмытқандай. Ән айтып, би билеп, қаланың әсем жерлерін аралаған. Кішкентай Інжу әлі баспанасына оралмаған. Қашан және қайда баратынын балғын әлі білмейді. Әйтсе де, жергілікті билік елеп, көңілін аулағандарына дән риза. 3 күн есте қалар демалыс болды, жаңа достар таптым,-деп бөліседі оқушы. "Талант тур - 2024" жобасы аясында балалар тимбилдинг ұйымдастырып, табиғат аясында демалды, фотосессияға да қатысты, кино көріп, тарихи-мәдени жерлерге саяхат жасады. Жобаға Ойыл ауданынан 100 бала қатысып отыр. 7 маусымнан бастап жобаның екінші аусымы басталады. Тағы да балалар келеді деп жоспарланып отыр.Количество показов: 387
Дата создания: 06.06.2024 03:45:09
