Ақтөбеде сұйытылған газ тапшы
Автогаз құю бекеттерінде газ жоқ. Барлары тек талонмен ғана беруде. Талоны жоқтар сағаттап ұзын-сонар кезекте тұр. Мынау Тургенев көшесінің бойындағы газ құю бекеті. Талоны жоқ жүргізушілердің дені осында. Литрі 59 теңге. Мұнда 30- ға жуық көлік жиналған. Кезек қойып кеткендері де бар.Облыста 192 авто газ құю стансасы бар. Оның тек 178 і жұмыс істеп тұр дейді, жергілікті билік өкілдері. Зауыттардан газ тасымалдайтын 7 газ толтыру стансасы бар. Осы айда министрлік облысымызға 10960 тонна газ бөлген. Бұл жеткіліксіз. Аптаның соңында қосымша 700 тонна жеткізуі тиіс.Өңірде сұйылтылған газ шығаратын үш зауыт бар. Олар- "СНПС- Ақтөбемұнайгаз" АҚ, "Қазақойл Ақтөбе" мен "Восток нефть" серіктестіктері. Мамандардың айтуынша, Ақтөбеде газбен жүретін автокөліктер саны артқан. Сұйылтылған газға сұраныс та өсті. Мәселен, Ақтөбеде 60 мыңға жуық көлік газбен жүреді.Количество показов: 244
Дата создания: 27.07.2024 06:35:22