Ақтөбеде 70 адам ЖИТС-ті жыныстық қатынас арқылы жұқтырған

ЖИТС-ғасыр дерті емес. Оның дауасы бар. Тек ауруды дер кезінде анықтау маңызды. Жұқпалы иммун тапшылығы синдромына шалдыққандар қалыпты өмір сүріп, емін жалғастыра алады. Әйтсе де, ауруын тасалап, жасырып жүргендері де жоқ емес. Қоғамға қауіп төндіретін де осылар, дейді мамандар. АИТВ инфекциясын жұқтырғанын адам білмеуі мүмкін. Өйткені, алғашында бұл лерт симптомсыз өтеді. Кейін иммунитеті түсіп, ағзасы әлсірей бастағанда анықтауы мүмкін. Қан тапсыру арқылы. Мұндай диагнозы бар адамның дене қызуы айлап түспейді екен. Ұзаққа созылған жөтел, іштің өтуі жиілесе дабыл қағыңыз. Дереу дәрігерге көрініңіз. Айта кетейік, өңірімізде соңғы уақытта АИТВ жұқтырғандар саны азайып келеді. Мұның бір себебі ЖИТС орталығы жыл он екі ай өткізетін профилактикалық шаралар. Сондай-ақ, ақпараттың қолжетімділігі. Бей-берекетсіз жыныстық қатынас, қорғанбау сынды оғаш әрекеттер қауіпті синдромға әкеледі. Қазірді ЖИТС ты анықтау оңай. Медициналық стандарттарға сай, жүкті әйелдер, операцияға дайындалып жатқан азаматтар міндетті түрде бірнеше қауіпті инфекцияға анализ тапсырады. Қатарында иммун тапшылығы синдромы да бар. АИТВ ны анықтау емханаларда тегін. Өткен жылы облысымызда АИТВ-инфекциясының 72 жағдайы тіркелді. Дені ер адамдар. Олардың жасы 20 мен 39 аралығында. Өңірімізге келген 2 шетел азаматынан да анықталған. Барлығы да жыныстық қатынас арқылы жұқтырғандар болып шықты.
Количество показов: 436
Дата создания: 11.01.2025 12:01:14