Бүгін "Ақтөбе" футбол командасы Арменияға ұшып кетті. Капан қаласында жергілікті "Гандзасар" командасымен матч өткізеді. Бұл еуропа лигасындағы бірінші квалификациялық раунд-іріктеу кезеңі. Матч ертеңге жоспарланған. Қазақстан чемпионатының 17-і туры аясында кездесулер өтті. "Ақтөбе" ФК премьер лиганың турнирлік кестесінде 40 ұпаймен бірінші орында келеді. Алда әлі матчтар бар. Бірақ, қазір команданың бар күші Еуропа лигасы ойындарына жұмылдырылуда. Мәртебесі жағынан екінші еуропалық клуб турнирі-Еуропа лигасының квалификациялық матчтарына бастау алған "Ақтөбе" ертең армениялық "Гандзасар" командасымен кездеседі. Бүгін жергілікті футболистер Капан қаласына ұшып кетті. Арменияға аттанып бара жатқан құрам барлығы 72 адам. Арасында жанкүйерлер де бар. Айта кету керек, ондағы ойынға "Ақтөбе" командасынан жарақат алуларына байланысты Роберт Арзуманян мен Марат Бикмаевтар қатыспайды. Біздің алаңда жауапты кездесу 11-шілдеде өтеді. Сол ойынға дейін олар жарақаттарынан айығып, алаңға шығуы мүмкін. Жерлестеріміз қарсыластарын жоғары бағалап отыр. Бірақ, биылғы жеребенің жеңіл тартылғандығын да жасырмайды. УЕФА рейтингінде "Гандзасар" "Ақтөбеден" 85 сатыға артта. "Ақтөбе" футбол командасы УЕФА рейтингінде 214-ші орынға жайғасқан. Жаңадан ашылған "Қазспорт" телеарнасы "Гандзасар"-"Ақтөбе" арасындағы матчты Астана уақытымен ертең кешкі сағат 21:00-де тікелей эфирден көрсетуді жоспарлауда. Ал Ақтөбе уақытымен 20:00-де. Матчтың тікелей текстік трансляциясын "Рика" медиа-тобының www.rikatv.kz сайтынан оқуға болады.