Жасөспірім қыздың өліміне күдіктілер бүгін қолға түсті. Зауыт полиция бөлімінің басшысы Самат Әйісовтің айтуынша, жантүршігерлік оқиғаға қыз бен жігіттің қатысы бар. Екеуі де- қаланың тұрғындары. Тәртіп сақшылары тергеу құпиясына байланысты қылмыстың себеп-салдарын ашып айтпады. Естеріңізге салайық, қылмыс сәрсенбі күні болған. Тургенев көшесіндегі үйлердің бірінің ауласынан 14 жастағы оқушы қыздың мүрдесі табылды. Мәйіт сөмкеге салынған. Сот-медициналық сараптама нәтижесі көрсеткендей қызды буындырып өлтірген.