10 маусым күні түнгі сағат 11-лер шамасында қалалық сүт зауыты ауданында төтенше жағдай орын алды. 1,5 жасар бала Түркісіб көшесінің бойындағы жер үйдің алдында тұрған көлікке отырып, кілтіп бұрап қалған. Сол сәтте "Ниссан Максима" автокөлігі лезде орнынан қозғалып, сол маңайда велосипед мініп, ойнап жүрген 4 жастағы баланы басып кетті. Одан әрі көлік қозғалған бойы келесі үйдің шарбағына соғылған. Қазіргі таңда осы қайғылы оқиғаға қатысты тексеру амалдары жүруде. Аталмыш көліктің кімдікі екені де анықталды. Ал оған қатысты қылмыстық іс қозғау мәселесі тексеру жұмыстарынан соң белгілі болмақ.