"Қазгидромет" кешелі бері елдің басым бөлігінде күн жылынып, жаңбыр жауады деп ескертіп жатыр. Сондықтан қар алу жұмыстарын жеделдету қажет. Құрмыш ауданының тазалығына жауапты мердігер мекемелер биыл қыста жақсы жұмыс атқарғанға ұқсайды. 600-дей көше, даңғыл, қала іргесіндегі Қарғалы, Благодар, Қурайлы, Жаңақоныс, Сазды ауылдарында да жұмысшы бригадалар кезекшілікте болды. Мердігер мекемелердің иелігінде 221 техника бар. Жол бойын сыпыратын, жиектастарды тазартуға арналған, қар тиейтін ауыр техникалар қазір Шанхай, қалалық сүт зауыты, Әуеқалашығы аудандарында жұмыс жасап жатыр.
Қыс бойы қала жолдарында көктайғақты болдырмау үшін 600 тонна тұз себілді. Қорда 1 мың тонна құм әлі бар. Бұл көшелердегі қатқақты уақытылы ерітуге жеткілікті. Жалпы осы ақпан-наурыз айларында қар аршуға қосымша тағы екі бригада кезекшілікке шықпақ.