Соңғы бір тәулікте облыста Covid-19 инфекциясын 50 тұрғын жұқтырған. Оның ішінде 39 адамда ауру симптомдары бар. Өңірде аурушаңдықтың өсу деңгейі - 0,5% құрады. Пандемия басынан індет жұқтырған ақтөбеліктер саны осымен 10 469-ға жетті. Көбі дерттен айықты. Былтыр 1-қыркүйектен бері облыс тұрғындары арасында барлығы 7235 адам коронавирус инфекциясымен тіркелген. Оның 13,5% 18 жасқа дейінгі балалар. Ал оқушылар арасында 581 жағдай тіркелді.
Соңғы тәулік ішінде 1779 адам КВИ-ге қарсы вакцина алған. "Қаламызда екпе жеткілікті",- дейді денсаулық сақтау басқармасы басшысының орынбасары Бекболат Ізбасаров. Қазіргі таңда үй карантиніне 3714 адам алынып, оларға медициналық бақылау жүргізілуде. Ал оффлайн режимде білім алушылар ары қарай да мектепке баруын тоқтатпайтынын қоса айтты есеп берушілер.