Жыл соңындағы жағымды жаңалық. Соңғы тәулікте коронавирус және пневмониямен ауырған ешбір адам тіркелмеді. Бұл туралы облыстық санитарлық-эпидемиологиялық бақылау департаменті басшысының міндетін атқарушы Гүлбану Дәулетова өңірлік коммуникациялар қызметінде өткен брифингте мәлімдеді. Пандемия басталғалы коронавирус инфекциясын 34 957 ақтөбелік жұқтырды. Оның 34 073-і жазылды. Бүгінде облыста 65 тұрғын үй карантинінде.
Соңғы тәулікте коронавирус және пневмониямен ауырған ешбір адам тіркелмеді. Десе де облыстық санитарлық-эпидемиологиялық бақылау департаменті тұрғындарға мерекені қарсы алу кезінде сақ болуды ескертеді. Кафе, мейрамханаларда өтетін шараларда адамдар толымдығы 50 пайыз болуы керек. Сондай-ақ жиналған қонақтардың барлығында "Ашық" қосымшасында жасыл статусы көрсетілуі тиіс.Бүгінде қалада инфекциялық ауруханаларда 18 тұрғын, реанимация бөлімшесінде 3 науқас ем алып жатыр. Инфекциялық кереуеттер жүктемесі 25,5 пайызды құраса, реанимациялық кереуеттер жүктемесі 21 пайыз.
Бүгінде облыста 65 тұрғын үй карантинінде. Ревакцинациядан 26 310 адам өтті. Пфайзер вакцинасын 6534 тұрғын салдырды. Оның 4070-і жасөспірім, 1954 - бала емізетін ана.