Тұрғындар қалашығындағы "Жеңіс" гүлзары қайта қалыпқа келтіріліп жатыр. Жұмысшылардың іске кіріскеніне бір апта. Демалыс орны қыркүйекке дейін дайын болады.
Жалданған жұмысшылар қалалық әкімдіктің тапсырысын орындап жатыр. Жұмысты бастағандарына 1 апта болған. Гүлзардың қоршаулары түгел емес, әрі әбден сыры кеткен. Алдымен қоршаулар түгенделіп, сырланады. Гүлзардың ішінде орындықтар көбейеді. Урналар пайда болады. Демалыс орнын қалыпқа келтіру жұмыстары тамызға дейін жалғасады. Бұл Мұғалжар ауданының Ақтөбенің 150 жылдығына жасаған сыйлығы. Қалада 12 ауданның тартуы ретінде осындай шағын саябақтар жаңартылып, салынатын болады.