Жаңартылған қала жолдарында көлік қозғалысы тәртібі әлі де өзгеруі мүмкін
 | Жанқожа батыр көшесінде көлік кептелісі. Жол қозғалысының жаңа тәртібіне жүргізушілер бой үйрете алмай жатыр. Әсіресе, қаланың ескі бөлігіндегі қозғалыс реттелмей тұр. Байқампаз жүргізушілер ұсыныстар айтады. Бұрын ескі қаладағы Жанқожа батыр көшесімен көліктер тек бір бағытта қозғалатын. Көше кеңігелі жол қозғалысы екі бағытты болып өзгерді. Бірақ, Жанқожа батырдың Некрасов көшесімен қиылысатын тұсында автокөліктердің жүрісі тежелетін болып жүр. Әсіресе Жанқожа батырдан Некрасовқа қарай бұрылайын деп тұрған көліктер кептелісте тұрып қалады. Мұны болдыртпау үшін Некрасов көшесімен қозғалған көлік Жанқожа батырдан шыққан автокөлікті өткіземін деп, уақыт алдыртпайтындай етіп, осы тұстағы бағдаршамға қосымша жол белгісін қосу керек дейді жүргізушілер. Қаланың ескі бөлігіндегі көлік қозғалысы қазір қалалық әкімдіктің бақылауында. Мамандар мониторинг жүргізіп отыр. Жақын күндері нәтижесі талқыға түседі. Сол кезде жаңа жол ережесіндегі кем-кетіктің бәрі ескеріледі дейді қала әкімінің орынбасары Геннадий Дудаков. |
«Тәулік» бағдарламасының толық нұсқасын мына сілтемеден қараңыз
Количество показов: 1953
Дата создания: 11.11.2013 19:06:36
