Зағип жандарға арналған кітап қоры толықты.
Оралхан Бөкей, Бердібек Соқпақбаев пен Мұхтар Шахановтың шығармаларын Назарбаев зияткерлігінің оқушылары аудио таспаға түсірген. Енді зағиптар дауыстап оқылған шығарманы естіп жүрек қылынан өткізе алады. Бүгін Сағи Жиенбаев атындағы креативті орталықта жаңа оқулықтардың тұсаукесері өтті.Іргетасы 1969 жылы қаланған облыстық зағиптар және нашар көретін азаматтардың арнаулы кітапханасы зағип жандарға қызмет етіп келеді. Қазіргі кезде кітапханада 40 мыңнан астам кітап қоры мен 1500 - дей оқырманы бар. Бүгін орталықта Назарбаев Зияткерлік мектебінің оқушылары жасап шығарған 10 аудиокітаптың таныстырылымы өтті. Аудиокітаптардың арасынан Оралхан Бөкейдің "Тортай мінер ақ боз ат", Мұхтар Шахановтың "Танакөз", Бердібек Соқпақбаевтың "Ана жүрегі" кітаптары бар. Аудио кітаптарды жасау жұмыстары наурыз айында басталған болатын.Сондай - ақ, шара соңы "Ақанның өшпес мұрасы" атты қазақша нүктелі - бедерлі шрифтінің авторы Ақан Қасымовтың 95 жылдығына арналған дөңгелек үстелмен жалғасты. Салтанатты шара автордың өмірбаянына, еңбек жолына, жеткен жетістіктеріне арналды.Количество показов: 413
Дата создания: 20.09.2023 04:03:40
