Ықшам аудандардағы көпқабатты үйлер көшеге бөлініп, әр көшеге жаңадан атаулар беріліп жатыр. Бұл жұмыс 2000-шы жылдан бері жүргізілуде. 2001-ші жылы 11-ықшам ауданда заң ғылымдарының докторы Нағашыбай Шәйкенов атындағы көше пайда болды. Ал 2010-шы жылы осы ауданның тағы бір бөлігіне Әз-Наурыз атауы берілді. Екі көшедегі үйлердің реттік нөмірлері де ауысты. Қазір қалалық сәулет және құрылыс бөлімі мекен-жайлардың өзгеруіне орай тұрғындарға анықтама берумен айналысып жатыр. Нағашыбай Шәйкенов көшесі бойынша бүгінге дейін 21 үйдің нөмірі қайта өзгертілді. Ал Әз-Наурыз көшесінде 41 үйдің реттік нөмірі ауыстырылды. Қалалық құрылыс және сәулет бөліміндегілер осылайша атаусыз көшелерге атау беріп, ретсіз орналасқан ғимараттарды бір ретке келтіріп жатыр. Көшеге берілетін есімдер мен атауларды ономастикалық комиссия қарап, ол қалалық мәслихат сессиясында бекітіледі. Қала тұрғындары да көше атауларына қатысты өз ұсыныстарын айтып, үлес қосуына болады.