Бүгін WorldSkills Aktobe - 2022 аймақтық чемпионатының жабылу салтанаты өтіп, жеңімпаз, жүлдегерлер марапатталды. Чемпионатқа 16 мен 22 жас аралығындағы 300-ге жуық жас болашақ кәсіпқой маман қатысқан еді. Соның 57-сі алтын, 43-і күміс және 46 адам қола медаль алды. 20 қатысушыға медальондар табыс етілді. 1,2,3-ші орын иелеріне 30,20,10 мың теңге көлемінде қаржылай сыйақылар берілді. Еске салайық, чемпионат 57 құзыреттілік бойынша өткен болатын.
18-21 мамыр аралығында 57 құзыреттілік бойынша өткен аймақтық чемпионатқа 16 мен 22 жас аралығындағы 300-ге жуық жас болашақ кәсіпқой маман қатысқан еді. Соның тең жартысы жүлде алды. Конкурстың "Ауылшаруашылық машиналарын жөндеу және қызмет көрсету" құзыреттілігі бойынша Ш.Берсиев атындағы Ақтөбе жоғары ауылшаруашылық колледжінің студенті Әлихан Тынымжан 1-ші орынды иеленді. Жеңімпаздар ағымдағы жылдың қараша немесе желтоқсан айында өтетін республикалық чемпионатта Ақтөбе облысы атынан бақтарынан сынайтын болады.